P全球【世界台】朝鮮半島ê核武對THAAD態勢

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語,就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

北朝鮮一月日連紲試射飛彈去日本海,美國開始佇韓國部署THAAD 反飛彈系統。中國呼籲雙方攏愛「踏擋仔*」,才袂相。毋過,對北朝鮮上有影響力ê中國,這改敢真正決心共擋?抑是有其他ê想法?

北朝鮮佇2月12先試射一粒中程彈道飛彈,隔轉工,koh發生首領Kim Jong-un(金正恩)ê仝爸各母阿兄Kim Jong-nam 佇馬來西亞予人用毒藥暗殺。Kim Jong-nam這幾年聽講是中國咧保護ê。北朝鮮種種無站節ê行動,予中國mā真歹看。中國隨宣佈暫停進口北朝鮮ê塗炭,這原底是北朝鮮真要緊ê經濟來源。

 

有分析家指出,中國ê這个動作,只是根據舊年北朝鮮第五改核子試爆了後,聯合國安全理事會ê制裁決定,而且未來實行ê狀況按怎,國際社會真確認。

 

Newsweek雜誌日本網站ê這篇文章講,對中國來講,重點是北朝鮮發展核彈,會刺激美國、韓國佮日本加強進行THAAD等軍事合作,對中國真不利。中國做出認真處理北朝鮮問題ê姿勢,上主要是做予美國看ê。

 

北朝鮮3月初6  koh射四粒飛彈,唱聲準備欲拍美國佇日本ê軍事基地。第二工,美國拄好共THAAD設備載到韓國,兩、三個月就會當開始服役。

 

THAAD全名ê意思是尾段高空防衛,伊會當冗早偵測著敵方發射ê中、短程彈道飛彈,佇飛彈開始落落來ê時陣,佇空中共伊拍掉。這是防守、毋是攻擊ê武器,中國煞為此掠狂,嚴重抗議。主要ê原因,根據報導,是因為THAAD ê雷達真厲害,美韓講是欲針對北朝鮮,但是mā會偵測著中國境內ê軍事活動。

 

韓國總統Park geun-hye(朴槿惠)目前因為心腹人干政ê案件,予國會彈劾,目前停職,憲法法院拜五就欲宣判,若是判伊著落台,兩個月內就愛選新總統。中國向望下一任總統會重考慮THAAD。

*踏擋仔(ta̍h-tòng-á) :踩剎車

特色圖片:戰區高空防禦飛彈 (Terminal High Altitude Area Defense, THAAD) 公有領域 ,由National Missile Defense – http://www.mda.mil/mdaLink/html/thaad1.html, exact source,公有領域,連結

 

【世界台】Facebook專頁

 

您可以 留言回應, 或 追蹤

留言