P全球【世界台】Trump飛彈展威 Turkey再轉向?

文 / 周盈成

以下這篇短文,是用教育部公布的台語標準用字寫成。一點都不難,認得中文、略通台語,就懂八九成了。還有聲音檔唸給你聽,許多字詞也超連結到教育部《臺灣閩南語常用詞辭典》。看世界新聞,兼學台語文,就是【世界台 ~ Sè-kài Tâi】啦!

美國對Syria空軍基地發動飛彈攻擊了後,各國ê反應內底,逐家凡勢較無注意著Turkey。Turkey已經有一站仔行露西亞、疏遠西方,這煞熱烈歡迎美國露西亞ê盟友,甚至koh無夠,這無定會koh牽動地緣政治ê變化。

Turkey是北大西洋公約組織(NATO) ê成員,但是這幾年,佇總統Recep Tayyip Erdoğan主政下,和西方ê關係愈來愈緊張。Erdoğan一向mā真反Syria總統Bashar al-Assad,主張伊愛落台。毋過Turkey舊年佮露西亞改善關係了後,對Assad ê立場就無硬矣。總是,佇這場複雜ê亂戰當中,Turkey上要緊拍ê,是國境、想欲獨立建國ê Kurd族,毋過後者拍Islam國真gâu,有美國咧相

頂禮拜二,Syria西北部發生化學武器攻擊平民事件,Assad政府一直無承認是in做ê。Turkey上早指出化武是sarin毒氣,Erdoğan並且佇美國猶未出手ê時,就講歡迎美國對 Syria採取軍事行動,Turkey koh會當鬥相共。拜四暗,美國射飛彈,隔轉工,Turkey ê外交部長講,愛共Assad政權趕落台,愈緊愈好。

 

有學者講,美國Trump政府ê大動作,共Obama時期疏遠ê傳統盟邦Turkey佮Saudi Arabia koh 倚來矣。若是Trump繼續做了媠氣,美國會當重建這个區域內底對伊ê忠誠。

 

毋過Reuters通訊社ê分析講,Turkey ê Syria政策亂操操,無一致,伊予美露兩大國佇中間,兩攏著顧。有受訪ê分析家講,美國這遍ê攻擊,mā只是「無戰略ê戰術」,無一定有後擺。有露西亞佇咧,Turkey袂當向望靠美國來推翻Assad政府。

 

Turkey佇紲落ê拜日,就欲進行修憲法ê公民投票。這是Erdoğan欲集中權力佇家己身上、延長在位,所來發動ê,予人批判是欲正式建立威權統治。有學者講,Erdoğan公投若贏,伊會對美國koh較敢要求,尤其針對Syria境內Kurd族ê議題,這會予美國對Islam國ê作戰koh較麻煩。

特色圖片:土耳其現任總統雷傑普·塔伊普·艾爾多安 (Recep Tayyip Erdoğan),公有領域,連結

【世界台】臉書專頁

您可以 留言回應, 或 追蹤

留言